02 février 2023
Votre chronique en Occitan proposée par Felip Reig "Lis Ermas" sur Radio Nîmes.
Rendez-vous sur le 92.2 ou sur radionimes.fr tous les mercredis à 6h00, 13h30, 19h00.
--------------------------------------------------------------------------------------------------
LO COCUT
Mi cars ami, bèn lou bon-jour en tóuti e siegues li bèn-vengu dins la crounico Lis Ermas. L’escolo
felibrenco Lou Ciéucle de Lengo d’o dóu Cantoun d’Aigo-Morto ourganisè lou dissate 28 de janvié 2023
soun acamp generau à la salo Flamingò d’Aigo-Morto. Lou debana de la sesiho agradè en tóuti e lou
majourau Gabriéu Brun fuguè tourna-mai elegi Cabiscòu de l’escolo. Pèr marca la journado, li membre
dóu burèu de l’escolo avien counvida lou group Lo Cocut. Èron quàsi uno vinteno que i’a ‘no bravo
vóuto de tèms qu’aquèu mounde canton ensèn, coume lou dis Felip Martel : entre-visto.
De cocut, n’i’a dos meno : un que cante e ‘n autre que si bano ié fan d’empacho pèr passa i porto. Pamens
es ni de l’un, nimai de l’autre que s’agis Felip Martel : entre-visto.
Dins aquéu group lo Cocut, se prenèn pas la tèsto. Pamens i’a de principe Felip Martel : entre-visto.
En mai de soun gentun, li cantaire, generousamen, soun sèmpre à parteja si cansoun e fan d’umour e sus
lou pountin, de bèlli fes, lou gèst acoumpagno la paraulo e pèr li gramacia basto de canta em’éli. Es de
saupre que i’a mai de quatre cènt cansoun que caupon dins soun repertòri.
Vole pas breca la moudestìo d’aquelo colo d’ami, pamens es eisa d’entèndre que dins li cansoun, i’a de
voues en armounìo. Es pas de cant à l’unissoun. Emai cadun aguèsse l’espaço sonore que vóu, l’ensèn
demoro armounious Felip Martel : entre-visto.
Lou plasé de poupularisa la lengo nostro es pas ‘no empacho à l’umour e à la gau. Coume quz siegue,
aguerian un après-dina de requisto emé Lo Cocut, dins la simpliceta, l’amista, l’esperit dóu partage e lou
talènt. De cop que i’a, li causo mai simplo soun aquéli que pertocon forço. Soulide.
Vaqui. Aro la crounico es acabado e vous doune rendès-vous la semano venènto. Anan acaba en musico
emé Lo Cocut de Clapié. Vous brassège amistadousamen. Brave mounde, adessias !
Musico.
felip
