Lis Ermas du 26 juin 2019 par Felip Reig - Miquèu Pellegrino à Pertus

28 juin 2019
Télécharger le podcast

Votre chronique en Occitan proposée par Felip Reig "Lis Ermas" sur Radio Nîmes - Rendez-vous sur le 92.2 ou www.radionimes.fr tous les Mercredis à 6h00, 13h30 et 19h00 - Ce 26 Juin 2019 Felip Reig vous parlait de... "Miquèu Pellegrino à Pertus"

Miquèu Pellegrino à Pertus

Cars ami, brave mounde, bèn lou bon-jour en tóuti ! La semano passado, avèn escouta lou felibre que ié dison Liounèu Aymes que jougavo de jazz emé soun galoubet. Après, sus lou pountin, i’avié Miquèu Pellegrino que se presentè emé soun quartète. Miquèu, que nasquè à Ièro en 1956, es un musician multiistrumentisto que toco la guitaro, lou seissoufone, la clarineto e lou pianò. Es un flame coumpousitour e un pedagogue de premiero que creè lou Festenau de l’Anco - le festival de l’Anche - dins lou despartamen de Var. Venèn d’escouta Li Chivau frus. Dins soun biais de jouga, pren de musico couneigudo tradiciounalo e lis adoubo sus de ritme african, o de samba, de bossa-nova, de rumba, de reggae e l’aurre que tout acò douno envejo de se bidoursa lis anco e lou quiéu. Avèn agu un moument tras-qu’agradiéu. Aro, musico ! Belèu, avès recouneigu Digo Janeto ¸Acò’s acò. Alor, un cop de mai, me fau gramacia Jóuseto Brunel que me pourgiguè l’enregistramen d’aquéu tros de musico. Aro la vostro emessioun es acabado. Se capiterèn mai la semano venènto pèr escouta l’Acadèmi de Tambourin de z'-Ais-de-Prouvènço. D’eici aqui avanças d’un pas lèri e demouras à l’oumbreto. Brave mounde, adessias !                          Felip Reig (Mèstre d’obro dóu Felibrige)