LIS ERMAS DU 1 AVRIL 2020 PAR FELIP REIG - MUSICO

21 septembre 2020
Télécharger le podcast

Votre chronique en Occitan proposée par Felip Reig "Lis Ermas" sur Radio Nîmes - Ce 1 avril 2020 : MUSICO 1

- Rendez-vous sur le 92.2 ou www.radionimes.fr tous les Mercredis à 6h00, 13h30 et 19h00.

Lis ermas du 1 avril 2020 par Felip Reig.

Cars ami, brave mounde, bèn lou bon-jour en tóuti !

Lou deve dire, n’ai moun gounfle de parla d’aquelo bestiouleto meichantasso vo de n’entèndre parla. Alor, se voulès anan respira uno bolo
d’èr pur emé quàuqui tros de musico pèr nous ramenta de ço que fuguè la vido avans l’auvàri que nous l’empouisouno.
Pèr coumença, vole tourna sus lou rescontre que faguerian à Roudès i’a un parèu d’annado emé Los Pagalhos. Quand ausiguère aquelo cansoun, descurbiguère uno meraviho, uno perlo que rènd un óumage poulidet à la nosto bello lengo. Aproufiche d’aquelo óucasioun pèr manda uno
pensado amistadouso à Mitou e à Jaja sa maire que soun d’ami de longo toco emé lou group.Veici Ma Sobirana…
Ma Sobirana Auesto cop, anan passa de la mar blueio à la mountagno e meme travessa lis Aup pèr rejougne la colo de Sèrgi Berardo que demoron en Itàli, que vuei es un païs aclapa dóu malastre, à l’ouèst dóu Piemount. Emai l’aguessias coumprés, vole parla dóu Dalfin, que desempièi sabe pas quant
d’annado soun sus lou pountin emé’no energìo remirablo. Alor vaqui Plou Marseho… Anan acaba mosto escourregudo musicalo emé uno cansoun melicouso que nous vèn de la Talvera qu’encanton nosto vido desempièi 1979. Lou fau pas óublida qu’es sus la talvèra qu’es la libertat. Pamens, acò, lou sabès, n’en siéu segur. Es de bon qu’en Prouvènço, la tauvero a ges d’iamge poueti coume en Lengadò. Pamens aquéu liame entre lou tros de terro sóuvajo e la liberta es tras-que-bèu. E coume uno cansoun es sèmpre miéus qu’uno longo dicho, veici aquéu group emé sa cansoun manlevado de son disque sarra que soun titre es Solelh, Soulehaire : Voli cap mouri… e iéu tambèn ! Voli cap mouri Anen n’en fau leissa un pau is autre, dóu cop, pèr aro, es acaba. Se voulès, se capiteren mai la semano venènto e anan marca un cop de mai un picamen de man pèr aquéli que soun sus lou
front pèr mena batèsto contro un enemi invesible. Osco ! à-n-éli. Lou felip vous souvète proun courage e vous dise au revèire. Brave mounde, adessias.


Felip Reig (Mèstre d’obro dóu Felibrige)